前文提要講想買洗面機前嘅事,
未睇嘅朋友可以睇返呢度:
洗面機入手前傳
一路都有諗緊想買個洗面機,
朋友用緊 Clarisonic ,
但要三個月換刷毛 ,
同埋尐毛咁細咁密我覺得香港唔適合用,
佢唔會乾得晒就好易有菌,
所以基於呢兩大原因下我就冇再諗喇。
另一種刀片型我又覺得佢好似好粗暴去對待塊面 ,
所以都唔冇考慮。
到呢排又諗返起洗面機,
忽然諗到而家有矽膠款嘅機,
即刻上網努力睇下尐評語等等。
由於係矽膠我覺得清潔同衛生方面會好好多,
而且佢相對 Clarisonic 係細好多輕好多,
去旅行同放喺洗手間都好方便。
當然,
Foreo Luna Mini 2 個設計仲要係我覺得好靚嘅添!
放喺浴室直頭係一個擺設!
仲有就係多顏色揀,
雖然佢個 shocking pink 真係好靚,
當大家都以為我會揀佢時,
我係買咗黑色嘅,
因為我家嘅清潔用品全部係白色樽,
隔離放黑色 嘅 Luna Mini 2 實在太襯同埋 太!有!型!
所以我揀咗黑色!
第一次用完塊面覺得好滑 ,
而我亦有特登用佢頂部嘅位去清潔鼻有黑頭嘅位置,
洗完尐黑頭又真係好似少咗!
第二日朝早用完再化妝,
個妝更加貼,
上咗粉都好滑,
客人嚟到我都同佢開心 share 下,
佢摸完我塊面都話好滑。(沾沾~~ )
我會繼續留意住皮膚嘅改善,
不定期 update 下情況同大家分享下。
附圖係 Foreo 嘅各款洗面機,
佢呢度都 show 漏咗,
仲有三款: Luna Play Plus , Luna Go 同埋 Lune Luxe(呢部要六萬幾蚊,傻眼…)。
Luna Play 主要係即棄型,冇得叉電換電,可以當係一個試用版。
而 Luna Play Plus 就可以換電,功能上同 Luna Play 係冇分別。
原本我都只係諗住買個 Luna Play Plus,
但之後覺得實在太細部,當我睇埋進階上去 嘅 Luna Mini 2 就覺得比較係我想要嘅功能。
至於Luna 2 係有埋導入同抗衰老嘅功能,不過我覺得好似有少少誇張,同埋我未係好需要。
有樣嘢需要提下大家,
爬文時見到有用家話用用下機身出現類似霉點度出現,
我估計係可能佢哋洗手間實在太濕。
個人建議,
如果浴室比較濕嘅話,
用完之後抹下機身,
放喺通風地方就可以減低有霉點嘅出現。
始終香港已經較濕,
浴室又濕上加濕,
霉菌就好易會滋生。
每部洗面機都有自己獨有嘅編號,
我買嗰部雖然係水貨,
但都可以上官網登記,
同樣有保養的。
我搵到地方賣水貨,
但唔方便公開。
如果想要相關資料請 pm 問我啦!
沒有留言:
張貼留言